“Detectives Dixitais” é unha proposta formativa pensada para achegar ás persoas participantes, dun xeito práctico e dinámico, os conceptos fundamentais da seguridade na rede e da protección da identidade dixital. A actividade combina unha breve introdución teórica sobre ciberseguridade cunha experiencia de aprendizaxe baseada na resolución dun caso policial ficticio, no que as persoas asistentes deberán aplicar os coñecementos adquiridos para identificar a persoa responsable dun ciberdelito.

O obradoiro ten como obxectivo sensibilizar sobre a importancia de adoptar hábitos seguros no uso de Internet, promovendo unha actitude crítica e responsable fronte ás ameazas dixitais. A proposta enmárcase na conmemoración do Día da Internet Segura (10 de febreiro), aínda que está pensada para poder desenvolverse en calquera momento do ano como actividade de formación e reflexión sobre a seguridade na rede.

A través dunha metodoloxía activa baseada na gamificación, o traballo en equipo e a aprendizaxe experiencial, o taller introduce conceptos clave como a identidade dixital, a privacidade, as estafas en liña ou as boas prácticas de navegación segura. Posteriormente, as persoas participantes traballarán en grupos para analizar pistas, interpretar evidencias e tomar decisións que lles permitan resolver o caso proposto, reforzando así a comprensión práctica dos contidos tratados.

Neste curso atoparás a guía didáctica completa e todo o material necesario para levar o obradoiro “Detectives Dixitais” á túa Aula CeMIT.

"CuriosidAPPdes. Iniciación á creación de aplicacións móbiles” é unha proposta formativa que introduce ás persoas participantes no mundo do desenvolvemento de apps dun xeito práctico, creativo e accesible. A actividade combina o uso de datos abertos coa aprendizaxe dunha ferramenta de programación visual, permitindo crear unha aplicación móbil sinxela desde cero.

Trátase dun obradoiro participativo no que o grupo, guiado pola ou polo Axente TIC, avanzará de maneira progresiva desde a idea inicial ata o desenvolvemento dunha app funcional. Ao longo das sesións, aprenderán que son os datos abertos, como localizalos e utilizalos, ao tempo que se familiarizan con MIT App Inventor para deseñar a interface e programar interaccións básicas mediante bloques.

A proposta destaca polo seu enfoque práctico e guiado, favorecendo a autonomía, a creatividade e o traballo en equipo. A través desta experiencia, as persoas participantes descubrirán como transformar información pública en contidos dixitais interactivos, desenvolvendo competencias dixitais e unha visión máis activa do uso da tecnoloxía.

Neste curso atoparás a guía didáctica completa e todo o material necesario para levar o obradoiro “CuriosidAPPdes. Iniciación á creación de aplicacións móbiles” á túa Aula CeMIT.

“A xeniña. Creamos un xogo de ler mentes con Scratch” é unha proposta formativa que combina a iniciación á programación coa reflexión sobre a igualdade de xénero, a través da creación dun xogo interactivo baseado nunha árbore de decisións. A actividade propón descubrir referentes femininos da historia mentres se aprende a programar dun xeito visual, creativo e accesible.

Trátase dun obradoiro teórico-práctico no que o grupo, guiado pola ou polo Axente TIC, desenvolverá paso a paso un xogo tipo “quen son?”, empregando Scratch. Ao longo de dúas sesións, as persoas participantes coñecerán os conceptos básicos da programación por bloques, aprenderán a crear estruturas condicionais e comprenderán como transformar unha árbore de decisións nun proxecto dixital funcional.

A proposta destaca polo seu enfoque práctico e motivador, baseado en aprender facendo, na gamificación e no traballo colaborativo. A través desta experiencia, fomentarase o pensamento lóxico, a creatividade e o uso crítico da tecnoloxía, ao tempo que se visibiliza o papel das mulleres na historia e na sociedade actual.

Neste curso atoparás a guía didáctica completa e todo o material necesario para levar o obradoiro “A xeniña. Creamos un xogo de ler mentes con Scratch” á túa Aula CeMIT.

“Dálle ao botón da saúde. A túa saúde nun clic: descubre Sergas móbil e É-Saúde” é unha proposta formativa orientada a achegar á cidadanía o uso práctico das ferramentas dixitais do Servizo Galego de Saúde, facilitando unha xestión máis autónoma, cómoda e informada da saúde.

Trátase dun obradoiro teórico-práctico no que o grupo, guiado pola ou polo Axente TIC, aprenderá a utilizar a aplicación Sergas Móbil e a plataforma É-Saúde a través de explicacións sinxelas e exercicios guiados. Ao longo da sesión, as persoas participantes descubrirán como acceder á súa información clínica, solicitar e xestionar citas médicas, consultar tratamentos ou configurar notificacións, empregando estas ferramentas de maneira segura e eficaz.

A proposta destaca polo seu enfoque práctico e útil, baseado no aprender facendo e no acompañamento continuo, favorecendo a confianza dixital e a autonomía no uso dos servizos públicos de saúde. A través desta experiencia, promoverase un uso responsable da tecnoloxía, reducindo barreiras dixitais e reforzando o papel activo das persoas no coidado da súa saúde.

Neste curso atoparás a guía didáctica completa e todo o material necesario para levar o obradoiro “Dálle ao botón da saúde. A túa saúde nun clic: descubre Sergas móbil e É-Saúde” á túa Aula CeMIT.

“Co conto nas mans” propón unha experiencia formativa na que a inclusión, a creatividade e a produción audiovisual danse a man para achegar a narrativa galega á Lingua de Signos Española (LSE).

Trátase dun obradoiro práctico e participativo no que o grupo, guiado pola ou polo Axente TIC, aprenderá a adaptar un conto ou lenda popular a formato visual, empregando a técnica de fondo croma, a gravación con OBS Studio e a edición básica con OpenShot para crear unha peza audiovisual colectiva e accesible.

Ao longo da actividade, as persoas participantes non só se iniciarán na creación e edición de vídeo, senón que tamén reforzarán o traballo en equipo, a expresión persoal e a visibilización do colectivo de persoas xordas a través das TIC, combinando aprendizaxe técnica, empoderamento e difusión cultural.

Neste curso atoparás a guía didáctica completa e todos os recursos necesarios para levar o obradoiro “Co conto nas mans” á túa Aula CeMIT, incluíndo materiais para o alumnado, guións, presentacións e orientacións paso a paso para a gravación e a edición.

"Cibersegur@s: ameaza na rede. Xogo de cartas sobre a ciberseguridade e a protección de datos" é unha proposta formativa pensada para achegar, dun xeito práctico e motivador, os conceptos clave da seguridade na rede e da protección de datos persoais. A actividade combina contidos teóricos esenciais con dinámicas participativas, culminando nun xogo de cartas deseñado especificamente para facilitar a comprensión e o afianzamento das aprendizaxes.

O obradoiro ten como obxectivo sensibilizar ás persoas participantes sobre a importancia de adoptar hábitos dixitais seguros, promovendo unha actitude crítica e responsable fronte ao uso das tecnoloxías. A proposta enmárcase, ademais, na conmemoración do Día da Protección de Datos (28 de xaneiro), servindo como punto de partida para a reflexión sobre os riscos e as boas prácticas na contorna dixital.

A través dunha metodoloxía activa baseada na aprendizaxe colaborativa, a reflexión e o xogo, o taller aborda situacións reais e comúns relacionadas coa ciberseguridade, favorecendo a identificación de ameazas, a prevención de riscos e a toma de decisións informadas no uso das TIC.

Neste curso atoparás a guía didáctica completa e todo o material necesario para levar o obradoiro “Cibersegur@s: ameaza na rede. Xogo de cartas sobre a ciberseguridade e a protección de datos” á túa Aula CeMIT.

Trátase dun obradoiro participativo no que o grupo, guiado pola ou polo Axente TIC, irá desde a idea ata o resultado final, aprendendo a redactar en LibreOffice Writer, a crear imaxes con IA e a exportar o seu traballo en PDF, sempre desde a filosofía do software libre e gratuíto.

A través desta actividade, as persoas participantes explorarán novas formas de expresión e comunicación dixital conectadas coa vida cotiá, fortalecendo a autonomía, a confianza e o traballo en equipo mentres comparten saberes e lembranzas arredor da cociña.

Neste curso a atoparás a guía didáctica e todo o material necesario para levar o obradoiro “Maiormente Creativ@s. Receitas dixitais con software libre e gratuíto” á túa Aula CeMIT.

"Creando os nosos Adornos de Nadal en 3D” propón unha experiencia formativa na que a creatividade e as ferramentas dixitais de impresión 3D danse a man para celebrar o espírito destas datas.

Neste obradoiro, que tamén conmemora o día da informática, as persoas participantes coñecerán e descubrirán as fases de deseño 3D, dende o prototipado ata a impresión, creando adornos que poidan levar a casa ao rematar o taller. A actividade permitirá, polo tanto, a toma de contacto co mundo do deseño e impresión 3D, aprendendo de forma práctica mentres se fomenta a competencia dixital das persoas usuarias, a innovación e a creatividade.

"Creando os nosos Adornos de Nadal en 3D” propón unha experiencia formativa na que a creatividade e as ferramentas dixitais de impresión 3D danse a man para celebrar o espírito destas datas.

Neste obradoiro, que tamén conmemora o día da informática, as persoas participantes coñecerán e descubrirán as fases de deseño 3D, dende o prototipado ata a impresión, creando adornos que poidan levar a casa ao rematar o taller. A actividade permitirá, polo tanto, a toma de contacto co mundo do deseño e impresión 3D, aprendendo de forma práctica mentres se fomenta a competencia dixital das persoas usuarias, a innovación e a creatividade.

Trátase dun obradoiro participativo no que o grupo, guiado pola ou polo Axente TIC, aprenderá a transformar un conto de Nadal nun produto audiovisual colaborativo en formato contacontos.

A través desta actividade, as persoas participantes explorarán novas formas de expresión dixital e comunicación, combinando aprendizaxe, diversión e traballo en equipo nun contexto festivo e inspirador.

Neste curso a atoparás a guía didáctica e todo o material necesario para levar o obradoiro “Contacontos dixital de Nadal” á túa Aula CeMIT.