"Cibersegur@s: ameaza na rede. Xogo de cartas sobre a ciberseguridade e a protección de datos" é unha proposta formativa pensada para achegar, dun xeito práctico e motivador, os conceptos clave da seguridade na rede e da protección de datos persoais. A actividade combina contidos teóricos esenciais con dinámicas participativas, culminando nun xogo de cartas deseñado especificamente para facilitar a comprensión e o afianzamento das aprendizaxes.

O obradoiro ten como obxectivo sensibilizar ás persoas participantes sobre a importancia de adoptar hábitos dixitais seguros, promovendo unha actitude crítica e responsable fronte ao uso das tecnoloxías. A proposta enmárcase, ademais, na conmemoración do Día da Protección de Datos (28 de xaneiro), servindo como punto de partida para a reflexión sobre os riscos e as boas prácticas na contorna dixital.

A través dunha metodoloxía activa baseada na aprendizaxe colaborativa, a reflexión e o xogo, o taller aborda situacións reais e comúns relacionadas coa ciberseguridade, favorecendo a identificación de ameazas, a prevención de riscos e a toma de decisións informadas no uso das TIC.

Neste curso atoparás a guía didáctica completa e todo o material necesario para levar o obradoiro “Cibersegur@s: ameaza na rede. Xogo de cartas sobre a ciberseguridade e a protección de datos” á túa Aula CeMIT.

“Maiormente Creativ@s. Receitas dixitais con software libre e gratuíto” propón unha experiencia formativa na que a cociña, a creatividade e as TIC xúntanse para crear un produto común: un libro dixital de receitas. A proposta destaca polo seu enfoque práctico e motivador, favorecendo a autonomía, a participación social e o descubrimento da tecnoloxía como un recurso accesible e sostible.

Trátase dun obradoiro participativo no que o grupo, guiado pola ou polo Axente TIC, irá desde a idea ata o resultado final, aprendendo a redactar en LibreOffice Writer, a crear imaxes con IA e a exportar o seu traballo en PDF, sempre desde a filosofía do software libre e gratuíto.

A través desta actividade, as persoas participantes explorarán novas formas de expresión e comunicación dixital conectadas coa vida cotiá, fortalecendo a autonomía, a confianza e o traballo en equipo mentres comparten saberes e lembranzas arredor da cociña.

Neste curso a atoparás a guía didáctica e todo o material necesario para levar o obradoiro “Maiormente Creativ@s. Receitas dixitais con software libre e gratuíto” á túa Aula CeMIT.

"Creando os nosos Adornos de Nadal en 3D” propón unha experiencia formativa na que a creatividade e as ferramentas dixitais de impresión 3D danse a man para celebrar o espírito destas datas.

Neste obradoiro, que tamén conmemora o día da informática, as persoas participantes coñecerán e descubrirán as fases de deseño 3D, dende o prototipado ata a impresión, creando adornos que poidan levar a casa ao rematar o taller. A actividade permitirá, polo tanto, a toma de contacto co mundo do deseño e impresión 3D, aprendendo de forma práctica mentres se fomenta a competencia dixital das persoas usuarias, a innovación e a creatividade.

Neste curso a atoparás a guía didáctica e todo o material necesario para levar o obradoiro “Creando os nosos Adornos de Nadal en 3D” á túa Aula CeMIT.

"Creando os nosos Adornos de Nadal en 3D” propón unha experiencia formativa na que a creatividade e as ferramentas dixitais de impresión 3D danse a man para celebrar o espírito destas datas.

Neste obradoiro, que tamén conmemora o día da informática, as persoas participantes coñecerán e descubrirán as fases de deseño 3D, dende o prototipado ata a impresión, creando adornos que poidan levar a casa ao rematar o taller. A actividade permitirá, polo tanto, a toma de contacto co mundo do deseño e impresión 3D, aprendendo de forma práctica mentres se fomenta a competencia dixital das persoas usuarias, a innovación e a creatividade.

Neste curso a atoparás a guía didáctica e todo o material necesario para levar o obradoiro “Creando os nosos Adornos de Nadal en 3D” á túa Aula CeMIT.

“Contacontos dixital de Nadal” propón unha experiencia formativa na que a creatividade, a narrativa e as ferramentas audiovisuais se dan a man para celebrar o espírito destas datas.

Trátase dun obradoiro participativo no que o grupo, guiado pola ou polo Axente TIC, aprenderá a transformar un conto de Nadal nun produto audiovisual colaborativo en formato contacontos.

A través desta actividade, as persoas participantes explorarán novas formas de expresión dixital e comunicación, combinando aprendizaxe, diversión e traballo en equipo nun contexto festivo e inspirador.

Neste curso a atoparás a guía didáctica e todo o material necesario para levar o obradoiro “Contacontos dixital de Nadal” á túa Aula CeMIT.